• چهارشنبه 13 اسفند 99

 مجید قلعه بیگی

احوالات خرابه -(خوش گلوبسن منزل ویرانیه مهمان بابا)

16

خوش گلوبسن منزل ویرانیه مهمان بابا
قان دولان رخساریوه بو گوزلریم قربان بابا

سن دیدین ویرانه‌ده گلّم سنین دیداریوه
ظهر عاشورا بویوردون،گلموسن الان بابا

گلمموشم ای‌کاش ائدردین باخبر اما منی
گول دوزه‌ردیم یوللارا،هجران تاپا پایان بابا

سن منه بیر بوسه عاشورا گونوندن بوشلوسان
اؤپ گوؤرمیش صورتی،قیل بورجوی جبران بابا

بو گؤورمیش صورته،قوی او داغلیمش لبلری
گؤی یارنون اوستونه مرهمدی هم درمان بابا

چوخ سوزوم واردی،دئسم آنداولسون اکبر جانینه
کربلاده سینه‌ده قلبین اولار شان‌شان بابا

اونداکی قول باغلی چیخدوخ کربلادن کوفه‌یه
آیری اوضاع ال وئروب بو عترته،باشدان بابا

بیر قیامت اهل‌بیته کوفه‌ده اولدی عیان
اصغرین باشینده ویردی نیزه‌یه عدوان،بابا

کوفه‌دن شامه بیزی یوللاردا ویردی اشقیا
دینمه‌دیخ،قالدی اورکده ناله و افغان بابا

نیمه‌ی شب ناقدن دوشدوم بلا صحراسینه
زهرچاک اولدوم،قاچیردیم چولده سرگردان بابا

سسلدوم‌امدادیمه عمّه‌م گله، یاللعجب
زجری گوردوم غیظیله اَندی او دم آتدان،بابا

ائیله بیر سیلی ویروب،افغانه گلدی فاطمه
گوییا ثانی ویروب،زهرا گئدوب حالدان بابا

    بیربه‌بیر نسیگللرون عرض ائتدی سینه داغلادی
    اول کسیک باش گوزلرون آچدی،رقیه آغلادی

شه گوزون آچدی رقیه یومدی آغلار گوزلروی
درک ائدوب پیک اجل،اول دختر غم پروری

‌گوردی زینب گوزلرون یومدی رقیه،دینمه‌دی
فکر ائدوب یورقوندی یاتدی دختر خوش منظری

دقتیله باخدی گوردی،اوخشامور او یاتماقا
زعفران رنگینده اولدی قانه باتمیش لبلری

سسلدی ایوای بالام اؤلدی،گلین امدادیمه
بند اولوب آغزوندا دیل،تیتریر کسلمیش اللری

باشینی آلدی دیزاوسته گوردی آخدی باش یره
زینبی تنها قویوب، ویرانه‌ده همسنگری

اللرین ایستیردی اؤپسون،یاندی قلبین داغلادی
ساغ الینده گوردی ساخلوب،یادگار اکبری

یوخ رجوعیم غسلینه،خامه‌م مرد‌ّدی یازا
"منزوی" عالی یازوب،غسل گل پیغمبری

نصف شب حاضر اولوب دفنه بَنات فاطمه
عمّه‌سی قبرون قازوب،اولدی کفن اوز معجری

اللرونده نعش اطهر،سینه‌ده آه و فغان
دفن ائدوب ویرانه‌ده،طبق رسوم اول گوهری

یات دیدی ویرانه‌ده،دنیاده خوش گون گورمه‌دین
ای حسینون پر شکسته بلبلِ عم‌پروری

نصف شب اشکِ دیلیله،یازدی بو شعری "فقیر"
شاعری غرقِ گناه اما،یانوردی دفتری

  • دوشنبه
  • 4
  • اسفند
  • 1399
  • ساعت
  • 23:20
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران