اولموشام عمراوزونی زار و پریشان گجه لر
قلبینی قان ایلیوب آتش هجران گجه لر
درد الیندن بوکولوب قامتیم احساس ایدورم
داغ هجراندی ایدوب سینه می سوزان گجه لر
صبحدن آغلامیشام گوزیاشیم آلقانه دونوب
قالمیشام قاره گونه دیده سی گریان گجه لر
اولموشام چله نشین حرم حضرت یار
تا که امداد ایلسون حضرت جانان گجه لر
ای غزال چمن عاطفه امداد ایله
بلبل آسا اولا کیم مست و غزلخوان گجه لر
پوزما احوالیمه گل رحم ایله رحمانیم تک
توکمه سین چشمه چشمیم یوزه نیسان گجه لر
ایستورم سن گه له سنلطف و کراماتوندن
اولمییا کونلوم ایوی کلبه احزان گجه لر
یالواریم کیمسیه کی اختر اقبالیم تک
اولماسین حال پریشانیمه حیران گجه لر
حالیمی باد صبادن خبر آلسان دیه جک
شاهددردیم اولوب شمع شبستان گجه لر
نیلییم چاره ندیر (مژده) وصلت ساریدان
اولموشام عمراوزونی زار و پریشان گجه لر
- سه شنبه
- 12
- اسفند
- 1399
- ساعت
- 12:5
- نوشته شده توسط
- یوسف اکبری
- شاعر:
-
جابر ولد پور
ارسال دیدگاه