حضرت حمزه او آزاده‌لرین سالاری
انبیا خاتمینون لشکرینون سرداری
مصطفانون اولان عالمده گؤزل دلداری
صدر اسلامیده بیر مرد رفیع‌الدّرجات
روحینون شادلیقینا گؤندرون عالی صلوات
قوّت قلبیدی حمزه، شه دین طاهایه
شهدا ایچره اونا یوخدی اولان هم‌پایه
عرش اعلایه آدین الله ائدوب پیرایه
اهل عشق و شرف و معرفتین مفخریدی
شهدای اُحدون سیّدی هم سروریدی
اهل تاریخ اونی بیر مرد سرافراز یازوب
صاحب منزلت و شوکت و اعزاز یازوب
قارداشی‌اوغلی، رسول‌الهه دمساز یازوب
دشمن حضرت طاهایه خروش ایلردی
مکّه‌ده فتنۀ کفّاری خموش ایلردی
آدلی ـ سانلی یَلیدی، قامت والاسی رشید
پنجه‌سی گوجلی، قولی قوّلی، اعضاسی رشید
چارشانه، کورگی انلی، سراپاسی رشید
گویلوز اولسا گؤره‌سوز بیر یل او سرداره یاخین
دلده تصویره چکون قامت عبّاسه باخین
- چهارشنبه
- 13
- اسفند
- 1399
- ساعت
- 17:23
- نوشته شده توسط
- یوسف اکبری
- شاعر:
-
محمدرضا محمدی (ناعم)
ارسال دیدگاه