مولا
آدون فداسی ای رضاجان
سنون آدیندا واردی درمان
آلار همیشه درده چاره
خلوصیله بو اهل ایران
مولا
آدون سالوبدی قلبه غوغا
ای افتخار آل طاها
عنایت ایله باخ رضاجان
بو رو سیاهه جان زهرا
نظر ایله امام افضل_اولان وجودی جودیلن فضل
گور هاردادی مقام ورتبون_گلر مزاریوه ابوالفضل
ایکیزده صاحب کرم سوز_دچار دردیلن الم سوز
بیریز رقیه دن خجالت_بیریزده کشته ظلم سوز
مولا
ای زاده باب الحوائج
چوخلار آلوب سندن نتایج
مریضیموز چوخدی آقاجان
نظر ائله ایله معالج
مولا
بو گوزیاشی آخانلارا باخ
ئورک دولی باخانلارا باخ
سنی امید بولوبله قلبه
امید اوخون تاخانلارا باخ
ای افتخار ملک ایران_یاسونده اولموشام پریشان
گدایم و اگر خطاکار_چوورمه یوز منه رضاجان
حسینچیم ولی الیم بوش_بو آده اولموشام آقا خوش
بخاطر حسینه مولا_قرا گیینلره منی قوش
مولا
دلیمده وار حسین نواسی
باشا دوشوبدی نینواسی
او قتلگاهینی گوریدوم
باشیمدا واردی چون هواسی
مولا
سنون غمون اولوبدی گر چوخ
ولی سینونده اوخ یری یوخ
حسینه دگدی اوخ ئورکدن
کورکیندن چخوب سه پر اوخ
دوشنده قتلگاهه عطشان_گلنده زینبی نواخوان
گوروبدی سینه حسینه_چیخوبدی شمر پست ونادان
دیدی بوقدر اذیت ایتمه_یارالیدی جسارت ایتمه
سینه سینه دگوبدی پیکان_جان اوسته دی عداوت ایتمه
- چهارشنبه
- 13
- اسفند
- 1399
- ساعت
- 22:43
- نوشته شده توسط
- یوسف اکبری
- شاعر:
-
حاج محمد متقی تبریزی
ارسال دیدگاه