یاندیروب زهر جفا سینه می مهدی ئولورم
آتاوین باشه یتور بو گئجه عهدی ئولورم
گل ئوپوم لبلروی سوزش قلبیم کم اولا
آغلاما سالما منی جنته بو نوعی یولا
حیف دور حیدره اوخشار گوزون اشکیله دولا
آغلاما سینۂ مجروحیم اوغول درده گلر
سن اوشاقسان گوزلیم گوزلروه پرده گلر
الامان یاندی بالا دل دوداقیم جان ویرورم
سوندی ظلمیله بوآخشام چراغیم جان ویرورم
اولاجاخ بو گجه زهرا قوناقیم جان ویرورم
صورتیمده گویرن لب اونا اعلان ویرجک
دانیشاندا جگریم پاره لری قان ویرجک
مرغ روحیم پر آچاندان اولوسان اوغلوم امام
کل خلقت سنه هرلحظه ایدر عرض سلام
کیم آدون گلسه گرک ایلیه فی الفور قیام
آخرین حجت برحق و یل طاها سن
سنه قربان بالا سن منتقم زهرا سن
بیر بیر اجرایه قویارسان سوزومی ماه حجاز
وئرمه فرصت منه غسل ائیلیه تا اهل مجاز
چون کی واجبدی امامه اوخیا اوغلی نماز
او گوزل لحنوه قربان نه رسا دور نفسون
اوخی قرآن بالا حیدر کیمی شیریندی سسون
نصب ایدرسن بیلورم کعبیه پرچم گوزلیم
اولاجاخسان ننه مون دردینه مرحم گوزلیم
دولانار باشیوه بیر گون هامی عالم گوزلیم
قور عدالت کده عشقی چک عشقی محکه
فدکی غصب ائلین ظالمی گوندر درکه
سم ئیلن ایلدی معتذ منی مسموم ئولورم
شیعه لر اولدی بو احوالیمه مغموم ئولورم
ئولن اولماز ولى جدیم کیمى مظلوم ئولورم
اوز اویمده ئولورم ئولسم اگر وار کفنیم
قالمیوب اوچ گونیلن گونلر اوینده بدنیم
اوتوروبسان قوجاقیمدا سنه یوخدی اوخ آتان
آشنا دورده آغلور نه گلوب شمر و سنان
ساربان یوخ کسه بارماقلاری ای روح و روان
ولی زینب ائله کی باشلادی دل داغلاماقا
غمچیلر ویرمدی فرصت باش آچوب آغلاماقا
وئرمیون سو منه خوشدور ئولم عطشان لب اوغول
راضیم بوندان علاوه اولا تاب و تب اوغول
بلکه زهرا گله یانینده اونون زینب اوغول
چون اولار گلسه ابولفضل و حسینیله گلر
گورسه زهرا منیم احوالیمی قان گوزدن الر
- چهارشنبه
- 20
- اسفند
- 1399
- ساعت
- 22:26
- نوشته شده توسط
- یوسف اکبری
- شاعر:
-
جهان سلیمانی
ارسال دیدگاه