شب میلادون عالم اولدی جنت یارسول الله
سوووندی مقدموندن قلب امت یارسول الله
نچونکه رحمتُُ للعالمینسن کل مخلوقه
تمام کائناته یاغدی رحمت یارسول الله
تمام انبیابیرصفده دوردی شوقیله آلسین
که عطروندن هره بیرذرّه نکهت یارسول الله
الیکه نکهت زلفون یاییلدی کل دنیایه
آپاردی کل مخلوق عمده لذت یارسول الله
منادی سسلدی یاهل العالم مرحبا،بُشریٓ
تموّج ایلیوب دریای رٲفت یارسول الله
قوتاردی دورهٔ ظلم وستم،صبح صفاگلدی
گیوب رنگ فنا،عفریتِ ذلّت یارسول الله
آچوبدورقاصدآزادی ویکتاپرستی دیده دنیایه
گلوب مستضعفینه وئرسون عزت،یارسول الله
اولوبدورمکه نورانی،ملکراَندی گویلردن
عوالمدن گئدوبدی دردومحنت یارسول الله
سنیله اولدی زنده حق پرستی بیرده دنیاده
سنیله تاپدی معنالفظ غیرت یارسول الله
حیاگویادوباره گلدی دنیایه قدوموندن
دوباره خلقه ظاهراولدی عصمت یارسول الله
سنی خلق ائتدی خالق،دین اسلامه زعیم ائتسون
اوخونسون خلق آرا،عقداُخُوّت یارسول الله
سنی خلق ائتدی خالق تاهامی یکتاپرست اولسون
بیلینسون که ندورمعنای وحدت یارسول الله
شب میلادون ایران اهلیده بالمرّه شاداولدی
علاوه عیدیانه وئردی دولت یارسول الله
قویوب تازه بَها بنزینه،خلقی غرق عیش ائتدی!!
گئجیلَن اوچ برابر اولدی قیمت یارسول الله
٭"آغیرقیمتلرون وزنی بِلین سیندیردی بوخلقین"
کیمه دردین دئسون بیچاره ملت یارسول الله
اگرچه بیلمورم هانسی قلم ائتدی اونی تصویب
بئله بیرحکمه السون اُفّ ولعنت یارسول الله
هله دوره اونوندورچاپدیرور،قوی بیله چاپدیرسون
قیامتدوربیزه گرچاتسانوبت یارسول الله
یازوبدورکنج عزلتده،بوشعری شوریلن "ناعــم"
نه چاره،اولمای هئچ بزمه دعوت یارسول الله....
- پنج شنبه
- 21
- اسفند
- 1399
- ساعت
- 13:25
- نوشته شده توسط
- یوسف اکبری
- شاعر:
-
محمدرضا محمدی (ناعم)
ارسال دیدگاه