موسی بن جعفرم/من وارثِ پیمبرم
زندانِ ظلموده/خلوت نشینِ داورم
ایللردی حسرتیم/بودی اولیدی خلوتیم
شکر اولسون آللها/ایندی اولوبدی قسمتیم
افسوس اولا کی من/هارون اسیری اولموشام
خزان گورَن گولم/از بَس دویوبله سولموشام
اشکیم آخیر یوزه بولود مثالی دولموشام
امان امان امان/امان امان امان امان
باشی بلالیم /اوز ایویمدن آرالیم
زنجیره باغلیدی/ایاقلاریم یارالیم
دوشدوم بلایه من/مَحبَس اولوب منه وطن
سِنده دییون منی/سحر،آخشام دویور نَدن
یوخدور دییَن اونا/قوجانی دویمه نانَجیب
طبیبِ عالَمم/قالموشام ایندی بی طبیب
یوخ دادیمه گَلن/وطن غریب،اوزوم غریب
امان امان امان/امان امان امان امان
عالَم طبیب اولا/ئولومه یوخدی بیر دوا
ایکاش بو صون نفس/باشیم اوسته گَله رضا
من دیده سی تَرم/بالالاریمی گوزلَرم
گویلوم چوخ ایستییر/معصومه می گینه گورَم
یولدا قالار گوزی/رسمِ جهاندی هر ئولَن
جان اوستیم ولی/نه وار گیدن نه وار گَلَن
حالیم یاماندی یوخ/بو حالِ زاریمی بولَن
امان امان امان/امان امان امان امان
یوخ رحمی دشمنین/سولدوردی عمر گلشنین
آغیردی اللری/شغلوم اولوب داد و اَنین
اشکیله گوز دولوب/الله بولور منه نولوب
زهرا آنام کیمی/گول صورتیم کَبود اولوب
زندانِ تاریده/شمعین مثالی یانمیشام
آنا آنا دییوب/غم الینده اوسانمیشام
خُمِّ بَلالره/هر رنگیده بویانمیشام
امان امان امان/امان امان امان امان
دیللرده رایجم/هر درد اولا معالجم
مَحبوسِ دشمنم/اوزوم باب الحوائجم
غریب و (بیکَسم)/دیللر یانار اگر دئسَم
بیر کیمسه گلموری/هر قَدری داده سسله سم
هرنه جفا بولور/حقّیمده روزگار ایدیر
هم کُنده اینجیدیر/همی رطوبت اینجیدیر
آه و نوالریم /عرش خدایه تک گیدیر
امان امان امان/امان امان امان امان
- پنج شنبه
- 21
- اسفند
- 1399
- ساعت
- 20:26
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه