عبّاس/ایاقه دور/بیله یاتما قارداش
دشت/بلاده گَل/منی آتما قارداش
بو قان ایچره/یاتما/ای علمداریم
یولون گوزلور/ایندی/خیردا قزلاریم
حالیمی سن بولوسن /اویان قارداشیم
وای منه سن ئولوسن/اویان قارداشیم
دوشدون/ایله درده/گوزوم توکدی قانیاش
جسمون/قالیب یرده/بلیم سیندی قارداش
وفا رختین/تندن/گَل بوگون سویما
غریبم من/قارداش/تک منی قویما
دور یوزون سورتمه یره/اورک اود دوتور
خیمه دوشدی خطره/اورک اود دوتور
دشمن/عنادیله/کسوب یوللاریوی
بیرمشک/سووا خاطر/سالوب قوللاریوی
بو اوخ دگمیش/چشمه/بو گوزوم قربان
بودوغرانمیش/جسمه/من اوزوم قربان
حالیمی کیم نه بولور/ابولفضل اویان
کوفیان گورنه گولور/ابولفضل اویان
اشکیم/ رواندی دور/ ایله بیکسم من
حالیم/ یاماندی دور /ایله (بیکَسم) من
باشون چکمه/ دیزدن/ ای یَل حیدر
آدامسیزام/ تازه/ئولوب اکبر
قویما قارداش منی تک/گیداخ خیمیه
سن منه ایله کمک /گیداخ خیمیه
- شنبه
- 23
- اسفند
- 1399
- ساعت
- 12:9
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه