دور اخا دور بیله یاتما
اشگیمی سن قانه قاتما
دور گیداخ باهم خیامه
بو غریبی گوزدن آتما
دشمن باخوری سورتمه ئوزون توپراقا قارداش
قوم اوسته مناسب دگوری یاتماقا قارداش
اویان.............یاتما یارالی
یاتما قارداش قان ایچینده
قانلی بو میدان ایچینده
دور منی قویما کمک‌‌سیز
قالمیشام عدوان ایچینده
اکبریم ئولوب سن بولوسن چوخدی ملالیم
تک قویما منی غارت اولار اهل و عیالیم
جنگه سن رخصت آلاندا
سن جداله آت سالاندا
آیری بیر احواله دوشدوم
چگنیوه مشکی سالاندا
بولدوم کی برادر بیزی ترک ایلیه‌جاخسان
معلومودی قارداش گیدیسن گلمیه‌جاخسان
حالیوی قیزلار بولولّر
دور گیداخ یول گوزلیولّر
سن خجالت چکمه قارداش
قویمارام سو ایسته‌سونلر
غم چکمه سویون یوخ سنون ای شیر شجاعت
باهم دو(ر) گیداخ خیمه‌لره چکمه خجالت
ای منیم آرخام ایلیم دور
اود دوتوب یاندی دیلیم دور
دور گیداخ اخیامه قارداش
وای منه سیندی بلیم دور
باشدان باشا جسمون یارادی نیزه‌دی اوخدی
یاتما بولوسن قارداشیوین دشمنی چوخدی
سن‌کی بو نوعیله یاتدون
مقصد و مقصوده چاتدون
بو یامان گونده ابوالفضل
بو حسینی گوزدن آتدون
ایوای بالاجا قیزلاریمین حالینه قارداش
بوندان صورا وای زینبین احوالینه قارداش
*بیکَسا* دیل داغلینده
گوزلرون قان آغلینده
سسله عباسی هرایه
غم سنه یول باغلینده
بو باب الحوایج قاپیسی باب رجادی
نومید ایلمز سائلی والّهی آقادی
- شنبه
- 23
- اسفند
- 1399
- ساعت
- 12:21
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه