خالق ایلوبدی عیان جاه و جلالین
ایله زیبا یارادیب هاشمی خالین
گورسه یعقوب بونی یوسفه باخماز
یوسف حیرتده قالار گورسه جمالین
بو شاهکار عالم خلقتدی
بیزه جهان دا مایه ی عزّتدی
آقام آقام منیم آقام یا احمد
قویدی دنیایه قدم بیر شه اَمجد
دوغسان ایکّی(92) گلوری آدی به اَبجد
قوی دیوم آدینی واضح سیزه ایندی
گویده احمد دی آدی یرده محمد(ص)
بو اَشرفِ تمام انس و جاندی
امین وحی قاپیسینا درباندی
ای حبیب ازلی قلبه صفا ویر
چوخدی دیلده غمیمیز درده دوا ویر
چاغیر اوّل بیزی بیر یثربه مولا
صورا بو جَمعه اوزون کرب و بلا ویر
قره قولام جمال زشتیم واردی
حسینیوه بیر آیری عشقیم واردی
ای اولان ختم رُسُل شافع عقبا
سن سن عالمده هامی درده مداوا
مدفنون حیف اولا وهّابی الینده
اورا آسوده گلنمور بو اَحبّا
مدینه نین صفاسی وار یا مولا
سن اورداسان ،مزار زهرا اوردا
ای گُل سرسبد عالم امکان
گلمیوب گلمیه جاق سن کیمی جانان
(بیکَسم) سن سن آقا دارو نداریم
جانیم اولسون بو گوزل آدیوا قربان
بیر عمردور گدای درگاهم من
ئولونجه ال گوتورمرم من سندن
- شنبه
- 23
- اسفند
- 1399
- ساعت
- 23:10
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه