یتیشوب موسم هجران
وای عم اوغلی وای عم اوغلی
آغلاما گوزلره قوربان
وای عم اوغلی وای عم اوغلی
عم اوغلی _رفع محنت و ملال ائت
_ئولورم منی حلال ائت
آیریلیق وقتی یتیشدی
سیزی ترک ایتملییم من
دعوت ایلیوب نگاریم
بَزمینه یتملییم من
چوخ سوزوم اورکده قالدی
حیف اولا گتملییم من
عم اوغلی _رفع محنت و ملال ائت
_ئولورم منی حلال ائت
شرح محنت و بلانی
یازمیشام کتاب غمده
قورتاران دییر ملالیم
نچه ایل شرح ائله سَمده
چوخ سوزی قبره آپاررام
میخ در بؤلن سینمده
عم اوغلی _رفع محنت و ملال ائت
_ ئولورم منی حلال ائت
درد هجرانه جهاندا
بولورم کی یوخدی درمان
فرض ائله ئولور کنیزون
ایلمه ناله و افغان
اوزووی غُصّیه سالما
جانیم اولسون سنه قربان
عم اوغلی _ رفع محنت و ملال ائت
_ ئولورم منی حلال ائت
یتیشوب زوال عمروم
محنتیم چوخدی عم اوغلی
بولوسن بالالاریمین
بیر کسی یوخدی عم اوغلی
حَسنی اوزون دیله دوت
کوچه ده قوخدی عم اوغلی
عم اوغلی _ رفع محنت و ملال ائت
_ ئولورم منی حلال ائت
گلشن عمرومون افسوس
یتیشوب خزان زمانی
دویمادیم بالالاریمنان
ئولورم جوان زمانی
بو حسینین باشی اوسته
سو قویون یاتان زمانی
عم اوغلی _ رفع محنت و ملال ائت
_ ئولورم منی حلال ائت
یاره ایلمز شکایت
یاری چکدیقی بلادن
جام محنت و بلانی
نوش ائدنده ابتلادن
ناگرانم بو حسیندن
قورخورام کربوبلادن
عم اوغلی _ رفع محنت و ملال ائت
_ ئولورم منی حلال ائت
بو حسینی سالاجاقلار
یوزی اوسته قتلگاهه
زینبِ (بیکَس )و مضطر
قاچار امداد ائده شاهه
وعده میز قالسین عم اوغلی
نصف شبده خیمه گاهه
عم اوغلی _ رفع محنت و ملال ائت
_ ئولورم منی حلال ائت
- دوشنبه
- 25
- اسفند
- 1399
- ساعت
- 12:20
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه