زهرا زهرا عم اوغلووام حالیم گورنه پوزولوب
بیر دم گوز آچ نظاره قیل گوزلر اشگیله دولوب
باخدیقجا خسته جسموه من دیلدن اودلانیرام
غمدن قلبیم الولانیر سس ور زهرا یانیرام
دیلده سوزومی بولوسن ایوای منه سن ئولوسن زهرا بیکسم اویان
یوخ کیمسه بو دردی بوله آزقالدی عم اوغلون ئوله زهرا بیکسم اویان
حصار صبریمی غمیلیه یخمیشام زهرا
غمون منه چتیندی چوخ داریخمیشام زهرا
عم اغلووام عم اغلووام عم اغلووام زهرا
چوخداندی آیریلیق سوزون ایتدون ازبر اوزوه
جان عالم فدا اولا سنون آغلار گوزوه
زهرا رحم ایت عم اوغلووا گَل تک قویما منی سن
یوخدی مونس بو بیکسه اوزون یاخجی بولوسن
یثربده غریبم اینان گیتمه بیله فاطمه جان زهرا بیکسم اویان
یوخ هجروه منده دوزوم سندن نجه من ال اوزون زهرا بیکسم اویان
بو جامه ی وفانی سن بیله سویوب گیتمه
بوشهریده آدامسیزام منی قویوب گیتمه
عم اغلووام عم اغلووام عم اغلووام زهرا
دوقّوز ایلدی بو ایوده سن دوزدون درد و محنه
از بس زهرا حیالیسان ایتمه دون شکوه منه
دینه خاطر غمونده من گوز جامین ابر ایلدیم
قولدا گوجوم اولا اولا دویدولر صبر ایلدیم
__
ای قانه باتان کمگیم پهلوسی سینان کمگیم زهرا بیکسم اویان
گیتسن اوره گیم سیخیلار گل گیتمه ایویم یخلار زهرا بیکسم اویان
یورولموسان بو نچّه آی مریضیدون زهرا
عم اوغلووی حلال ایله چوخ اینجیدون زهرا
عم اغلووام عم اغلووام عم اغلووام زهرا
زهرا گیتسن خدا بولور غم قلبه نیلیه جاق
بوخیرداجا اوشاقلاری کیم ساکت ایلیه جاق
زهرا اوزون ایاقه دور سال نظمه گلشنیوی
دور اوزون دوت دیله گینه بو سولان گوللریوی
_
زهرا نه اولار دوراسان کلثومی دانیشدیراسان زهرا بیکسم اویان
باخ بو حَسَنینه اوزون ئولدوردی بو زینب اوزون زهرا (بیکَسم) اویان
بو زینبین قاباقدا مین بلاسی وار زهرا
حسینیله بلای کربلاسی وار زهرا
عم اغلووام عم اغلووام عم اغلووام زهرا
- دوشنبه
- 25
- اسفند
- 1399
- ساعت
- 12:33
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه