گل اوتور قیزیم دانیشاخ بیر آز
بئله حسرتیله سن آغلاما
قطرات اشگیوی ژاله تک
بو جماله دوزمه سن آغلاما
بالام آغلاما گولوم آغلاما
سن ائوین بویوک قیزیسان گرک
سنه چوخ سوزی دییه فاطمه
بوله سن قوجاقه بالالارین
آلا بولموری نیه فاطمه
یورولوب داخی دویولن آنان
گرک آغ کفن گییه فاطمه
ائویمی ییخیب بالا نیلییم
یولون اوسته یول کسن آغلاما
_بالام آغلاما گولوم آغلاما
قاپیمزدان آتش کینه نین
اوجالاندا شعله سی گویلره
قاپیم آغلادی سینم آغلادی
او آچیلمیان گوله یکسره
ولی آند اولا جانیوا قیزیم
من او گوندن آغلورام حیدره
منی دویدولر او باخا باخا
سوله دیم ابالحسن آغلاما
_بالام آغلاما گولوم آغلاما
بولوسن بالا نیه آغلورام
بئله گوز یاشیم یوزومه آخور
باباوین مصیبتی زینبیم
بو شکسته قلبیمی چوخ یاخور
سوریینده مسجده گورموشم
نجه حسرتیله منه باخور
قولی باغلی گوردی عم اوغلومی
دیدی عفو ائله رَسَن آغلاما
رَسَن=طناب
طناب بخاطر بسته شدن به دست امیرالمومنین از حضرت عذر خواهی کرد
(استعاره)
_بالام آغلاما گولوم آغلاما
آناوین یرینده اوتور قیزیم
بو ائو اهلینه آنالیق ائله
باجی قارداشونلا مصاحب اول
هامیسین اوزون بالا دوت دیله
حسنیم دانیشماسا هر زمان
سن اوزون دانیش غمی اسگیله
اگر ایسته سه ایلیه فغان
دینه رحم ائله حسن آغلاما
_بالام آغلاما گولوم آغلاما
بو کبود اولان یوزومه باخوب
بئله توکمه عارضه گوز یاشون
سنه صبر ایستییرم قیزیم
بولورم بلالیدی چوخ باشون
اوزووی یتیر او چوخور یره
ییخیلاندا مقتله قارداشون
من اوزومده آغلییرم اوگون
نجه من دییم کی سن آغلاما
_بالام آغلاما گولوم آغلاما
بو حسینیدن صورا سن اسیر
اولاجاخسان آل امییه
او بلا چولونده کفیل سن
بولورم او نازلی رقییه
بابا وای دییر یانار آغلییر
باباسین چکر او خرابیه
سن او (بیکَسی) دیله دوت دینن
باباسیندان ای کوسن آغلاما
_بالام آغلاما گولوم آغلاما
- دوشنبه
- 25
- اسفند
- 1399
- ساعت
- 12:58
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه