باد ظلمیله سولوبدی گلشن
زهرا گوزون آچ عم اوغلووام من
غصه لی قلبی گَل فاطمه جان سیخما
یاتما اذان وقتی دور ایویمی یخما
هرغم و دردی چکدی عم اوغلون
شهریده زهرا تکدی عم اوغلون
گوز آچ زهرا/ گوز آچ زهرا
یاتما اویان زهرا(۴)
غمدن عارضه آخدی گوزیاشون
اون سگّیز ایلده آغاردی باشون
رحلت طاهادن غرق ملالیدون
دردیوی گیزلتدون بسکی حیالیدون
غملر الینده گورنه سولوبسان
محرمیوه نامحرم اولوبسان
گوز آچ زهرا/گوز آچ زهرا
یاتما اویان زهرا(۴)
قالماز صفاسی ایویمدن گیتسن
تک قالار عم اوغلووی ترک ایتسن
هرنه دانیشدورّام هیچ دیموسن زهرا
گل منی عفو ایله اینجیموسن زهرا
حیدره مشکلدی بو ملالون
توختامیوب زهرا یارالارون
گوز آچ زهرا/گوز آچ زهرا
یاتما اویان زهرا(۴)
سن گیتسن عم اوغلون نیله سین بس
حقلیسن سسیمه ویرمه سن سس
دوشدون ایاقدان سن بسکی دویوب دشمن
فاطمه حقّون وار اینجیه سن مندن
کوچه ده قنفذ ایتدی جسارت
حیدری سندن ایتدی خجالت
گوز آچ زهرا/گوز آچ زهرا
یاتما اویان زهرا(۴)
رحم ایله زهرا اولدوزلاریوا
گوزون آچ باخ بیرده قیزلاریوا
قویما بالالارون لاله کیمی سولسون
گَل بو حسینیوی قویما یتیم اولسون
گورنه اوجادیب شیون و شینی
دور اوزون آغوشه آل حسینی
گوز آچ زهرا/ گوز آچ زهرا
یاتما اویان زهرا(۴)
دوقّوز ایلدی زهرا همدمیم سن
غم گونونده شریک غمیم سن
جامه ی عشقیوی سویمامیشام گیتمه
فاطمه جان سندن دویمامیشام گیتمه
رخت وفانی گل بیله سویما
(بیکَس) و تنها حیدری قویما
گوز آچ زهرا/ گوز آچ زهرا
یاتما اویان زهرا(۴)
- دوشنبه
- 25
- اسفند
- 1399
- ساعت
- 13:10
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه