عم اوغلی گَل باشیم اوسته
اولوب زهرا دلشکسته
بهار عمروم دونوب غمدن یا علی جان فصل خزانه
اورکدن رفع ملال ایت
منه حقّون گَل حلال ایت
نولور اشکون عارضه توکمه حسرتیله سن یانه یانه
افسوس/گلدی هجران
اشکیم / اولوبدی قان
زهرا / سنه قربان علی
(مظلوم / عم اوغلوم وای ) ۳ علی
لباس غم سویمادیم من
حضوروندان دویمادیم من
منه سن سیز جَنّتُ الاعلیٰ دوزخ و نِیراندی عم اوغلی
یتیشدی باشه وصالیم
پریشاندی وضع و حالیم
سنه زهرا حیف اولا امّا آز زمان مهماندی عم اوغلی
چیخسا /روحوم تَندن
زهرا / دویماز سَندن
یاندیم / درد و غمدن علی
(مظلوم / عم اوغلوم وای ) ۳ علی
اَیا سُلطان ِ ولایت
ایدم حاشا من شکایت
یولوندا گَر جان ویرم مین یول نوشیدور زهرایه عم اوغلی
علی جان تاجِ سَریمسَن
امامیم سان رهبریمسَن
کنیز ایلر دائماً خدمت محضر مولایه عم اوغلی
عالَم / سنسیز فانی
قَدرون / بولمز ثانی
سن سن/ زهرا جانی علی
(مظلوم / عم اوغلوم وای ) ۳ علی
عم اوغلی ویر بیرجه رُخصت
ایدوم من نچّه وصیّت
گجه ویر غسلون بتولون سن کوینگ اوستوندن ممکن اولسا
اورکده وار سوز و سازیم
اوزون قیل مولا نمازیم
منی قبره تاپشیران ساعت گلمه سین دشمن ممکن اولسا
ظلمِ/ اهل شردن
یاندیم / بلا لردن
ضرب/میخ دردن
(مظلوم / عم اوغلوم وای ) ۳ علی
بالالاردان دویمادیم من
مواظب اول هر بیریندن
حسینین تاپشیر باشی اوسته فضه قویسون سو یا علی جان
خزان دیده باغبانم
حسینیمدن ناگرانم
کَسه للر باشین سو اوستونده کربلا دشتینده لب عطشان
(بیکَس ) /قالان دمده
دیلدن / یاننام منده
داده / تز گَل سنده علی
(مظلوم / عم اوغلوم وای ) ۳ علی
- دوشنبه
- 25
- اسفند
- 1399
- ساعت
- 22:48
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه