بیر پرستو کیمی چوخ دلشکسته
درد و محنتدن اولدوم زار و خسته
فاطمه جان ویریر گَل باشیم اوسته
آه
روحوم ایستیر اوچا
قفسیندن قاچا
بَستر مرگیمی
اَجل ایستیر آچا
یانیرام غمدن علی علی
جورِ دشمندن علی علی
دویمادیم سندن علی علی
یا علی مظلوم علی علی ۳
آه و نالم منیم عرشه چخوبدی
خانه ی صبریمی ثانی یخوبدی
در و دیوار آراسیندا سیخوبدی
آه
اوردا زهرا سولوب
قلبیمه قان دولوب
زیر پایِ عدو
غنچه پامال اولوب
یارالی تَندن علی علی
خجلم سندن علی علی
اینجیمه مندن علی علی
یا علی مظلوم علی علی ۳
ترک ایدور گلشنی بلبلِ نالان
گوللریم قالدی پژمرده پریشان
پوزولان گلشنه فاطمه قربان
آه
دیلده قالدی سوزوم
درده قالمور دوزوم
سن بیله آغلاما
سنه قربان اوزوم
فرقتون اوخدی علی علی
محنتون چوخدی علی علی
کُمکون بوخدی علی علی
یا علی مظلوم علی علی ۳
قویما سولسون علی دورت نور عینی
عرشه چیخسین اولارین شورو شینی
قویما چوخ آغلاسین اوغلوم حسینی
آه
قلبیمی قان ایدر
کربلایه گیدر
قیزلاری ظلموله
اولاجاق در بَدر
نه اولار بوللم علی علی
اوجالار نالم علی علی
او چوله گَللم علی علی
یا علی مظلوم علی علی ۳
- چهارشنبه
- 27
- اسفند
- 1399
- ساعت
- 21:33
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه