یتیشدی موسم بهار
گل آچدی باغ مصطفی
گلوبدی صاحب الزّمان (عج)
ایشقلانوبدی سامرا
ایکی جهان فدا اولا
نگاریمین جلالینه
چکوبدی صف ملائکه
باخور اونون‌جمالینه
یا اباصالح
ای عالمه سلطان امید ضعیفان
گوزل آدیوا من اولوم آقا قربان
چمنده بلبل لر اوخور
ترانه ی محبتی
سالوبدی خلقی حیرته
جمالینین ملاحتی
سلاله ی پیمبرو
علی و زهرا و حسین
بو حیدرین بالاسیدی
اولار پناه عالمین
یااباصالح
اوزون قیل عنایت ای عالمه زینت
زیارتون اولسون آقا منه قسمت
گوزون تیکوبدی ماسوا
او دست با کرامته
اوزون دوا ایله بوگون
اورکده درد و محنته
قالوبدی یولدا گوزلریم
کسیلدی چارم هارداسان
فراقون آغلادیر منی
غمه دچارم هارداسان
یا اباصالح
بو قلبی غم آلدی قراریمی آلدی
منی بو فراقون بلالره سالدی
جهاندا شیعه لر دوشوب
بلایه یابن فاطمه
خدادن ایسته سن اوزون
ویر بو هجره خاتمه
یمن عراق و سوریه
اولوب غمیله هم قدم
گیدور وطن جوانلاری
اولور مدافع حرم
یااباصالح
اورکده غمیم وار بو گوزلریم آغلار
ظهور ایله مولا بو غملری قورتار
- جمعه
- 29
- اسفند
- 1399
- ساعت
- 15:0
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه