گُلِ باغ مصطفی یابن الزهرا
آدیوا شیعه فدا یابن الزهرا
یابن الزهرا مولا مولا
عالمی واله ایدوب حُسن جمالون
یوسفی مست ایلیوب فکر و خیالون
سالوب عاشقلریوی دام بلایه
صاق یوزونده آقاجان هاشمی خالون
یابن الزهرا مولا مولا
نوکرون ظالمه عالمده باش اگمز
سنی هر بی سرو پالر سُوَوه بیلمز
هرکسین دهریده بیر سروری واردی
عاشقون بیر توکووی عالمه ویرمز
یابن الزهرا مولا مولا
پیرو مذهب اولاد خلیلم
آستانوزده اودور ایندی دخیلم
آیری کس دردیمه درمان ایده بیلمز
روسیاهم بولوسن عبد ذلیلم
یابن الزهرا مولا مولا
باغ جنّت یاراشیق سندن آلوبدی
هجرون عاشقلریوی درده سالوبدی
هارداسان گَل او گلن یولارا قربان
نچه ایلدی گوزوموز یولدا قالوبدی
یابن الزهرا مولا مولا
عاشقم گوزلریوه ای گل بی خار
چشم مستون ایلیوب عالمی بیمار
تز گَل ای چوللری حیران‌گزن عاشق
بولوسن چوخلار اولوب درده گرفتار
یابن الزهرا مولا مولا
- جمعه
- 29
- اسفند
- 1399
- ساعت
- 15:21
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه