مژده ویر زهرایه گلدی
حضرت صاحب زمان
عالمی ایتدی منور
سرور اهل جهان
آقام آقام آقام
یوز قویوب فوج ملایک
زیر پای حضرته
سرویلر تعظیمه دوشدی
قدّین ایلوب تا عیان
ای سلیل پاک حیدر
حجت ابن العسگری
مقدمون اولسون مبارک
ای امام و انس وجان
جَنّتین طاووسی سنسن
ای بهشتین زینتی
گل جمالوندان اولوبدی
هر چَکاوک نغمه خوان
سندن اوتری کایناته
رزق اولور تقسیم آقا
ای دلیل اتصالِ
بینِ اَرض و آسمان
ای حقیقی مُنتَقم ای
شهریار ماسوا
هارداسان عزّ ووقاریم
تز گَل ای آرام جان
سن امام مُنتَظَر سن
یامُعزّالاولیا
گل یتیش فریاده قویما
قان اولاگوزدن روان
بوفنا دنیاده هرکیم
اهلبیته عشقی وار
ظلم الیله اهل باطل
قلبینی ایلوبله قان
سندن اوزگه یوخدی مولا
بیزلره یارو معین
سسلوری عشقیله آدون
ایندی بو پیر وجوان
یر یوزی میدان جولان
اولدی قوم کافره
شیعه نون قانین توکوللر
داعش و وهابیان
گل آنان زهرایه خاطر
انتظاری ختم ایله
آیریلیق چوخ طوله چکدی
قلبیده یوخدی توان
[بیکسا] سعی ایله هر آن
خالص ایت اعمالیوی
سنه ایتسونله عنایت
قالماسین درد نهان
- جمعه
- 29
- اسفند
- 1399
- ساعت
- 15:46
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه