مژده ویرون شیعه لره گلدی آقام گلدی
زینت ایدون کوچه لره گلدی آقام گلدی
خبر ویرون سیز ائللره گلدی آقام گلدی
آدی دوشوبدی دیللره گلدی آقام گلدی
گلوبدی حجت الهی
خلایقین اولا پناهی
بو گوشیه اوزون نظر
قیل ای عالمین امیدگاهی
عشقوی من بسلیه رم مولا اباصالح
آدیوی هی سسلیرم مولا اباصالح
قویدی جهانه قدمین گلدی آقام گلدی
قوزیه نصرت علمین گلدی آقام گلدی
کنز عطا درّ ثمین گلدی آقام گلدی
لنگر افلاک‌و زمین گلدی آقام گلدی
مظهر الطاف خدادی
معدن احسان‌و عطادی
بوردان الی بوش گیدن اولماز
چون آقامیز درده دوادی
عشقوی من بسلیه رم مولا اباصالح
آدیوی هی سسلیرم مولا اباصالح
رحمت بی حدّ خدا سنسن آقا سنسن
قلبه ویرن ذوق وصفاسنسن آقا سنسن
بدر دجا شمس ضحی سنسن آقا سنسن
دیده لره نور و ضیا سنسن آقا سنسن
سن آیت صبح ازل سن
حُسن و ملاحتده مَثل سن
کیمسه سنه نظیر اولانماز
فاطمه اوغلوسان گوزل سن
عشقوی من بسلیه رم مولا اباصالح
آدیوی هی سسلیرم مولا اباصالح
دهریده تاج سریمیز سنسن آقا سنسن
هم دل و هم دلبریمیز سنسن آقا سنسن
وقت بلا یاوریمیز سنسن آقا سنسن
رهبریمز سروریمیز سنسن آقا سنسن
اوکلره صفا ویررسن
دردیمزه دوا ویررسن
به رسم عیدیانه مولا
بوجَمعه کربلا ویررسن
عشقوی من بسلیه رم مولا اباصالح
آدیوی هی سسلیرم مولا اباصالح
- جمعه
- 29
- اسفند
- 1399
- ساعت
- 21:3
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه