شهر یثربده گوز آچدی عشق سلطانی
قویدی حیرتده جمالی اهل دنیانی
حضرت موسی الرضا//شاه اقلیم رضا
کاظمه نور دوعین//پادشاه نشأتین
موسی الرضادی درده دوادی
آچدی باغ مصطفاده بیر گل زیبا
نجمه نین ایتدی ایوین چون جنّت اعلا
کسب نور ایلر جمالوندان هامی اهل جهان
یا مُعین المستمندان ای امام انس و جان
هشتمین هشت و چار//هر دوگون اولسا آچار
درگهینده نوکرم//قووسالار دا گیتمرم
موسی الرضادی درده دوادی
آستانین حقّ ایدوبدی ملجأ عالم
وارث ختم رُسُل دی مُرشد حاتم
بوش،قیتمز درگهیندن سائل نالان
ای رئوف آل طاها آدیوه قربان
رشک چرخ آبنوس//گل آدی شمس الشموس
گل کیمی قویما سولاخ//قبریوه قربان اولاخ
موسی الرضادی درده دوادی
غبطه ایلر عرش اعلا آستان پاکیوه
خاشعانه یوز قویار فوج ملک درگاهیوه
ای ولایت آسمانینده اولان مهر مُنیر
گوز تیکوب عالم سنه ای ماسِوی اللهَ امیر
گل بیزه رأفت ایله//قبریوه دعوت ایله
شهریار ماسوا//رحمت بی مُنتها
موسی الرضادی درده دوادی
واردی دیلده چوخلی نسگیل ای امید ماسوا
گل آقا معصومه جانی دردیمه ایله دوا
باشیمه چوخدان دوشوبدی شوق دیدارون
جان زهرا یاز اولوم تا بیرده زوّارون
(بیکس) و آواریم //باخ منه بیچاریم
ای عزیز مرتضی//ای ایشی دائم عطا
موسی الرضادی درده دوادی
- جمعه
- 29
- اسفند
- 1399
- ساعت
- 21:40
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه