یتشوب موسم شادی
یر یوزی نه باصفادی
مژده اولسون سیزده یاران
روز میلاد رضادی
اولدی یثرب چراغان/خالق ایدوبدی احسان
دردی اولانلارا ده/گلدی یار ضعیفان
آچدی باغ ولاده گل خوشبو
ایدوب عالملری غرق هیاهو
عاشقان گوزلروز آیدین اولا چون
عالمه قویدی قدم ضامن آهو
یابن الزهرا مولا مولا
ماه ذیقعده گلنده
خسته دیللر اولی زنده
باجیسی گلوب ازل گون
آقامیز دا اون بیرینده
شورو صفا گلوبدی/کان سخا گلوبدی
به به جهانه بوگون/ موسی الرضا گلوبدی
آفاقی دوتوبدی جاه و جلالی
عالمی روشن ایدوب نور جمالی
قالار حیرتده زلیخا بونی گورسه
یوسفی مست ایلیر هاشمی خالی
یابن الزهرا مولا مولا
ای پناه بی پناهان
ای امید دردمندان
اغنیا حجّه گیده لر
سنسن حج مستمندان
یوخ دیلده صبرو طاقت/یاز نامه ی زیارت
سقّا خانا سویوندان/اولسون دوباره قسمت
ای اولان حجّت خالق یکتا
شیعیه سنسن آقا شافع عقبا
هامی درده بولورم دوا ایدرسن
یا غریب الغربا ای گل زهرا
یابن الزهرا مولا مولا
درد الینده مبتلایم
غرق عصیان و خطایم
گریوزوم قاره دی امّا
عاشق نام رضایم
ای شاه با کرامت/ایله بیزه عنایت
بو (بیکَسه)اوزون ویر/مولا قول زیارت
دوزدی باشدان ایاقا غرق گناهم
غرق اندوه و غم و ناله و آهم
اوغلوون خاطرینه دوت الیمی سن
نوکرم منده سنه عبد سیاهم
یابن الزهرا مولا مولا
- جمعه
- 29
- اسفند
- 1399
- ساعت
- 21:42
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه