باقر علم نبی اسرار حقدن باخبر
گلدی دنیایه بوگون نوری اولوبدی جلوه گر
اولدی طالع بیت والاده آچوبدی تا گوزون
گون اونی گورماق همین گیزلتدی فوراً اوز اوزون
آلدیلار آغوشه بیربیر، اوپدولر اول گول یوزون
عرض ایدوبلر بار الها نه گوزلدور بو ثمر
هر گورن سویلردی بو طفلون عجب رخساری وار
خوش اوشخصین حالینه بیله گوزل بیر یاری وار
شمس پنجم دور ولی آیات هشت و چاری وار
گوزلرینده گوییا سُکنا ایدوب قرصِ قمر
نوریدن ساطع اولوبدور باطناً ده نوریدی
شیعه لر جام ولاسیندن اونون مخموریدی
نام زیباسی محمد باقره مشهوریدی
نور علی نور اولدی عالم نشر اولوب تا بوخبر
مظهر نور خدادور حضرت زین العباده نورعین
یوسف کنعانی بو زیبا آپاردی زیر دین
هم دَیور هر دم مشامه عطر زیبای حسین
هکذا بو ماه رودن مجتبا عطری گلور
حضرت سجاد آتاسی فخرعُبّاد جهان
فاطمه بنت حسن مام امام انس و جان
جد اولاسی حسیندور سیداهل جنان
هم حسندن هم حسیندن وار بو زیباده اثر
صبر و علم و منطقینده مجتبا تک بیر ولی
شاه دوران دورشجاعتده حسین بن علی
علم و دانشده زبانزد باقرعلم نبی
اولماسیدی گول وجودی دین گورردی چوخ خطر
ای قلم یثربده قال سن ای گوگل گیت کربلایه
اوت ووراندا خیملردن قوزاناردی اوت هوایه
اوج ایدردی تشنه قیزلارون فغانی نُه سَمایه
غارت احوالین یازاندا گوزلریم قان یاش سَپر
بولمرم یارب ندن دنیانی اولمازدی خراب
اوچ امامی اهل بیتیله ایدوبلر وارد بزم شراب
حشریده دیوان حقه واردور آیا نه جواب
نه ایدوبلر نه دییوبلر منده واردور دیل مگر؟
- یکشنبه
- 1
- فروردین
- 1400
- ساعت
- 15:42
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه