گَلمه سین مَجلسه، بیگانه
آلسین عُشّاق اَله پیمانه
باده ی ولایتی ساقی
گَزدیریر گوشه میخانه
دیلده حاصل اولدی تازه مُراد
شیعیانی ایلیوب گینه شاد
دنیایه گلوب امامِ جواد 2
آلوب خورشید، بوگون نورون
جَمالِ اَنوَرِ سَروَرِ دوراندان
گَلون یاران، دورون بیر بیر
آلون بَراتیزی شاهِ خُراساندان
مَولایَ یا مَولا 4
نو گُلِ حیدر و زَهرادی
نورِ حق اوندا هُویدادی
آدی پیغَمبر آدینداندی
عشقینه چوخلاری شِیدادی
دنیاده ایدوبدی عَزمِ جُلوس
مَقدَمین ملائک ایلدی بوس
فَرزَندِ جنابِ شَمسِ شموس 2
گدا گَلسه، اُمیدیله
عنایت ایلییَر عادتی اِحساندی
دیون دردی، اولان گَلسین
تمامِ دردِ عالَمینه درماندی
مَولایَ یا مَولا 4
یَثربی خالق ایدوب گلشن
ایکی نوریله ایدوب روشن
ایکی شهزاده بوگون گَلدی
ایکی بایراملیق آلون حتماً
لطف ایتدی خدایِ لَم یَزَلی
رَخشاندی جهاندا نورِ جَلی
گَلدی بیر محمّد و بیر علی2
صِله آللام، رضادن من
بَراتِ کاظمین و مشهدی یکجا
صورا جَدّی، حسین ایلر
براتِ کربلامی لُطفیله امضا
مَولایَ یا مَولا 4
اصغر ای غنچه ی زیبا رو
ای آدی دَردیمیزه دارو
افتخاریله ملائک لر
اَیاقون آلتین ایدَر جارو
الله پای ویروب رُبابه سنی
سَن زیبا ایدوبسَن اَنجُمنی
لُطفونله نوازش اِیْله منی2
سن ای آقا، گجه گوندوز
همیشه شیعه لر دیلینده رایجسن
قاپوندان بوش، گیدن اولماز
دلیلی واردی چون بابَ الحوائجسن
یا بابَ الحوائج 4
آچیلوب سُفره مهمانی
نا اُمید ایتمه اَحِبّانی
او کیچیک اَللریوه آقا
اولا شیعه نین فدا جانی
باغلیدی حَرَم لرین قاپیسی
پوزقوندی مُحِبّیلر هامیسی
دیللردن چَکیلموری آجیسی2
منم(بیکَس)، نولور آقا
کربلا سَمتینه بیرده یول سالیم من
یانا یانه، ووروم سینه
خیمه گَهده سنه بیر لایلای چالیم من
یا بابَ الحوائج 4
- یکشنبه
- 1
- فروردین
- 1400
- ساعت
- 18:16
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه