سوّم شعبان /عالم اولدی رشک جنان
خالق عالم / قدرتین ایلوبدی عیان
ایستدی اولسون /سرور اهل دو جهان
ویردی زهرایه / پای خدای عالمیان
شیعلر مولاسی گلوب
آقالار آقاسی گلوب
عالمه مفخردی آقام / وارث حیدردی آقام
یاحسین مولا ای پناه عالمین
گلدی هنگامِ / جشن و شادی شیعلره
طلعت ارباب / ویردی پایان جلوه لره
نور رخساری /چون دوادی دیده لره
عشقینی ا... / دولدوروبدی سینه لره
هره نین بیر آقاسی وار
دردینین بیر دواسی وار
مست جام و ساغریم / من حسینون نوکری ام
ای گل زهرا /یا حسین ای شمس هدا
شاه عاشورا /ای شهنشاه دو سرا
درس حُرّیَّت / سندن آلدی اهل ولا
جان عالم لر / آلتی گوشه قبره فدا
سن عزیز فاطمه سن
غمی دیلردن سیله سن
نه اولار ای شاه کرم / کربلانی بیرده گورم
قونداغین اولدی /عرش حقه زیورحسین
اولموسان مولا /عالمینه سرور حسین
سندن اوزگه یوخ/ بیزلره بیر رهبر حسین
جام عشقوندن/لطف ایله بیر ساغر حسین
ای عزیز آل عبا
یاز برات کرب و بلا
(بیکَس)و دلخسته منم / عشقوه وابسته منم
- یکشنبه
- ۱
- فروردین
- ۱۴۰۰
- ساعت
- ۱۹:۷
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه