شهر یثرب اولوبدی رَشک جنان
محشر ایلوب خدای عالمیان
بیر اوغول پای ویریبدی فاطمیه
کی مُریدی اولوبدی پیر و جوان
آقام آقام آقام آقام حسین
قنداقین پیک وحی آلوبدی اَله
دیلده کی عشقینی گَتوردی دیله
جبرئیلی خدای جنّ و بشر
تازه مولوده ایلیوبدی له له(دایه)
سینه ده دیل گلوب نوایه حسین
ایله احسان اوزون گدایه حسین
گینه گویلوم قوشی آچوب پر و بال
پر ورور ایندی کربلایه حسین
عشقون آقا دیله شراره سالوب
دیلده کی صبر و تابی الدن آلوب
مین دفعه گر گَلم مزاریوه من
گینه فکریم او کربلاده قالوب
خسته قلبین صفاسی سنسن آقا
درد عشقین دواسی سنسن آقا
اهل عالم قبول ایدر سوزومی
آقالارین آقاسی سنسن آقا
ای اولان مرتضایه نور دوعین
سنون عشقون دلیلِ شوریله شین
آدون ازبر اولوبدی دیلده آقا
ذکریمیز دم به دم اولوبدی حسین
ای اولان درد بی دوایه اسیر
غم اگر رشته ی اُمیدی کسیر
اول پناهنده مشکلاتیده سن
هاردا گورسن قرا عَلَملر اسیر
غم الیندن یوزی سولان گلسین
گوزلری اشکیله دولان گلسین
آستانِ حسیندی بابِ رَجا
(بیکَس) و آواره قالان گلسین
- یکشنبه
- 1
- فروردین
- 1400
- ساعت
- 19:17
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه