لطف ایدوب خلّاق مَنّان
حیدره ایلوبدی احسان
آناسی باخوب دیَردی
او اوزون قوللاره قربان
مثالِ یاسیدی/شجاع ناسیدی
بویوردی مرتضی/آدی عبّاسیدی
ابوفاضل مدد ابو فاضل مدد
یتیشوب ایّام شادی
سسلنور گویده مُنادی
منزلِ ام البنینده
گوئیا محشر بپادی
گَرَک دیل شاد اولا/سسون آزاد اولا
خانیم ام البنین /ایوین آباد اولا
سَرو بُستانِ ولادی
ساقی دشتِ بلادی
نجه تعریف ایلیم من
چون آقا اوغلی آقادی
عزیزِ مرتضی/اونا جانیم فدا
گلوبدور عالمه/حسینه یار اولا
آدی اولموش دیلده رایج
هر غم و درده معالج
ای دوشن درده اورکدن
سسله یا باب الحوائج
اورکده وار سوزوم/الونده وار گوزوم
سنه قربان اولا/آتام، آنام، اوزوم
ای اولان آزاده انسان
ای امید دردمندان
قبریوه ای ماهِ هاشم
(بیکَسی) سن ایله مهمان
اگر نالایقم/اورا چوخ شایقم
حقیقتدی بو سوز/سنه من عاشقم
- دوشنبه
- 2
- فروردین
- 1400
- ساعت
- 22:34
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه