حُجّتِ چارُم حق، سَروَرِ پاکیزه نژاد
خَلَفِ خونِ خدا، لَنگَرِ چَرخِ ایجاد
شهربانو بالاسی، نامِ شریفی سجّاد
مَحرَمِ سِرّ خدا، معدِنِ جود و بَرَکات
شَرَف و شأن و مقاماتینه اولسون صلوات
عالَمی مات قویان، شأنیله شخصیّتی دور
ماسِوَاللهه وَلی، یر یوزونون حُجّتی دور
روحِ تسبیح و دعا، بَنده لَرین زینتی دور
گول یوزی شرح ایدوری، معنی آیاتِ حَیات
شَرَف و شأن و مقاماتینه اولسون صلوات
مَست اولوب اَهل جهان، دیده ی مَخموروندان
خَلقی حیران ایلیوب، چِهره ی مَستوروندان
گویده خورشید آلوب، نورون اونون نوروندان
مَحضریندن بوتون اَفلاک آلار اِذنِ ثبات
شَرَف و شأن و مقاماتینه اولسون صلوات
عالَم اَهلی تانیمور، حَقّین اونون دنیاده
قورسالار مَجلس اولار، مَجلیسیده چوخ ساده
رُتبه سین الله اوزی گورسه ده جاق عُقباده
شیعیانه اولاجاق، حَشریده اُمّید و نَجات
شَرَف و شأن و مقاماتینه اولسون صلوات
بَحرِ جود و کَرَم و بَخشش و احساندی آقام
کعبه ی عشقیدی هم کعبه ی ایماندی آقام
دیمه ناخوش، کی جهان د‌ردینه درماندی آقام
خِضر اونون دَرگَهِ پاکیندان ایچوب آب حَیات
شَرَف و شأن و مقاماتینه اولسون صلوات
مُصحَفِ پاکی اولوب،خواهرِ قرآنِ مَجید
شکر ایدوب خالقه هر قَدْر اولوب دردی شَدید
خُطبه سیندن بولوسوز، اولدی سَراَفکَنده یزید
شامیده عمّه سی زینَبله ایدوب تبلیغات
شَرَف و شأن و مقاماتینه اولسون صلوات
السلام ای بُتِ کُفره، سوزی شمشیر ووران
کاخ فرعونِ زَمانینده کَلیمانه دوران
السلام ای یارالی بوینونی زنجیر یوران
شیری روباهِ زَبون دامه سالانماز، هیهات
شَرَف و شأن و مقاماتینه اولسون صلوات
ای امامِ دوسَرا، زینتِ آیاتِ سجود
قویدی حَسرت بیزی قبروندن اوتور، آلِ سعود
اولاری یوسُف زهرا ایده جاقدور نابود
نه اولار (بیکَسه) یازسان گینه بیر وَقفه بَرات
شَرَف و شأن و مقاماتیوه اولسون صلوات
- دوشنبه
- 2
- فروردین
- 1400
- ساعت
- 22:47
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه