مرهم گئتیرن داغلی دیله، یار اولاجاقدور
هر بیر سیخیلان سینه یه،دلدار اولاجاقدور
مظلوم لرین آه دیلی محشره قالماز
قهراً تنِ ظالم ده پدیدار اولاجاقدور
تا چرخش بو چرخ جفا پیشه بپادی
اهل حسد وجور و جفا خوار اولاجاقدور
ای شیعه نی حیدر دَری تک یاندیران اعراب
سیز ناکسی یاندیرماقا دا نار اولاجاقدور
ای سؤندورن اول شمع شبستان بقیعی
تئزلیکده گونوز شام کیمی تار اولاجاقدور
هر کیم که جسارت ائده اولاد بتوله
زنجیر مصیباته گرفتار اولاجاقدور
درک ائتمسه کیم حُبّ امامان هُدانی
زاهد ده اولا،عمری ضرر بار اولاجاقدور
چوخ ایلمه بیهوده تلاش، شیخ وهابی
عشق علوی گئت گده سرشار اولاجاقدور
وار کینۀ حیدر هله ده داش اورگیز ده
اول کینه ائله گردنوزه دار اولاجاقدور
ایوان امامان بقیعی نه دلیله
ویران ائلدوز ،بو عملوز عار اولاجاقدور
تخریب ائلدوز دین ائوین از روی عداوت
آوار اولان اؤز باشوزه آوار اولاجاقدور
اسلامه ووران ضربه نی سیز،وورمادی شیطان
شیطان کیمی محشرده حالوز زار اولاجاقدور
درک ایلمدوز قید مکان اولماز امامت
چون قلبلرون ملکینه سلطان اولاجاقدور
اللّٰهه گوره ائتدی ائمّه نجه ایثار
ایثار ایزینی حفظ ائدن آثار اولاجاقدور
ای پیرو بی منطق افکار جهالت
غافل اؤرگوز بیرگونی بیدار اولاجاقدور
منجیِ جهان، ختم امامت گلجاقدور
فتوا وئرجاق جهلیله پیکار اولاجاقدور
نحس عمریده هر قدر که حقّ ئولدوره بیلدوز
اول قدر ده ئولدورمگوز هموار اولاجاقدور
نسلیز که کسیلسه فدکین دایره سیندن
بیر یول دا بقیع توپراقی گلزار اولاجاقدور
گلزارین ایچینده حرم دورت امامه
بی حصر و حصار شیعه سی زوّار اولاجاقدور
یازدیم نه چتینّیق له بو نیسگیللی پیامی
سؤز نیسگیل اولا شاعره دشوار اولاجاقدور
جهد ایله((امین))مکتبه ، نه رونق شعره
مکتب آقاسی شعره خریدار اولاجاقدور
- دوشنبه
- 2
- فروردین
- 1400
- ساعت
- 23:51
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه