عاشق ئوز عشقینی ساتماز ابدا زور و زره
متعصب اولار احساسینی آتماز شرره
اکتفا ایلییر اربابی آچان سفره لره
نَفسه تسلیم اولوب عالمده طمع کار اولماز
چیکیدوب شخصیتین خار الیب خوار اولماز
حکم دور ایلسه هر کیمسه که تکرار گناه
چوخادار هیزم دوزخ الیر نفسی تباه
حشریده ایلمز الله او جفاکاره نگاه
سوروشاللار بو حقوقی گله تا فتواسی
حقّ اللهیله،نفسیله و حق الناسی
شرط اجرای بو اوچ حق دی سعادت بشره
کیم که انصافی رعایت ائده دوشمز خطره
آیری بیر حق ولی تنها وار عزادار لره
حق ثاراللهی محشرده ده زهرا سوروشار
کیم که ظلم ائتسه حسینه یاخاسیننان یاپیشار
ای حسین حقینی نا حق الین، ظلمه باتان
مرتکب اولما بو معصیته ای روضه ساتان
شرم ائله حضرت و زهرادن و زینب دن اوتان
بورا هیئت دی نه که دایره ی دلالی
بوردا برپا ائلمه قائله ی دجالی
سس ساتان مادح بیگانه دی،یوخ اکراهی
ایستمز فاطمه قیمت دانشان مداحی
ای وفادار حسین گل ائله بو اصلاحی
عشقی تاپشورماگینان دست خیانتکاره
پول طمع کاری یاراشماز علوی درباره
- سه شنبه
- 3
- فروردین
- 1400
- ساعت
- 13:38
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه