خلقته گوهر ارزنده دی مهدی
عشقینه آدی برازنده دی مهدی
عهدینون ایزلری جاویدالأثردی
منتظر دلده آدی زنده دی مهدی
ای شه خوبان - قیل بیزه احسان
قویما فراقونده قالان گوزلری گریان
ایله کرم نوکره بو نیمه شعبان
یامولا-یا مهدی
رخ زیباسینه اولدی هامی خیره
گوزلری آی پاراسی قاشلاری تیره
کسدی قربانلیق اونا جمله نبی لر
منده قربان بئله عزّتلی امیره
عشقیوه قربان - جهدیوه قربان
باغلادیقون غیرتیله عهدیوه قربان
دست ملائک له اَسن مهدیوه قربان
یامولا-یا مهدی
گوزل آدوندی بیزه شمع محافل
بوشلاماز درگهیوی لحظه ده سائل
کیم سنه إیلمسه عرض ارادت
دگول ایمانی اونون آللّها کامل
چیخماروخ اصلا - عشق یولوندان
نوکری نومید ائلمه سنده قاپوندان
خارج ائله جنّتیوه دوزخ اوتوندان
یا مولا-یا مهدی
غملی عاشقیلریوون سنده امیدی
باغ رضوانین آقا سنده کلیدی
گوشه ی چشمیله بیریول بیزه باخسان
اولاروخ نهضتیوون بیزده شهیدی
کیم سنه آنی - باغلانا جانی
ارزشی اولماز گوزونه عالم فانی
گلسون علی عطری دوتار کل جهانی
یا مولا- یامهدی
- چهارشنبه
- 4
- فروردین
- 1400
- ساعت
- 20:22
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه