حجت حق، شاه ولا یا رضا
آینه ی عشق خدا یا رضا
بارگهون باغ صفادی آقا
مائده ی لطف و شفادی آقا
دایره ی عشق و وفادی آقا
قبله ی عشق عرفادی آقا
صحن لرون کعبه نمادی آقا
مرقدون حج فقرادی آقا
قیل بیزه بو حجی عطا یا رضا
قوی آقاجان بوینوموزا منّتی
بیزده اوپخ او رضوی تربتی
ساخلا ئوزون زائر اولان ملتی
آلما بو ایرانیدن امنیتی
آدمه عشقون وئروب حیثیتی
یوخدی علاقم ده گورم جنتی
قبریوه جنات فدا یا رضا
کیمسه سنی دانسا مسلمان دگول
منکر حقّون اولان انسان دگول
مرحمتون هچ کسه پنهان دگول
جان که سنه یانمیاجاق جان دگول
جلوهٔ خورشید که پنهان دگول
گنبدیوی اوپمسه تابان دگول
ای سبب صبح و مساء یا رضا
قطره ی لطفون بیزی دریا ائدر
حکم شفاعتلری امضا ائدر
شاه بودور نوکره اعطا ائدر
واسطه ی وصلی مهیّا ائدر
عشق رضا کار مسیحا ائدر
تعریفینی مریم و عیسیٰ ائدر
ای آدی مشهور دعا یا رضا
بیرق دینی اوجادیب نصرتون
سالدی شرر خصم ائوینه غیرتون
فخر ائلیر شوکتیوه عترتون
بیلمدی امّا جُهَلا قیمتون
زهر جفا آلدی سننون طاقتون
یازدی قانون گویلره تا شهرتون
اولدی غریب الغربا یا رضا
- چهارشنبه
- 4
- فروردین
- 1400
- ساعت
- 21:28
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه