ای قرار دل اهل ایمان
یاشلاری سیل گؤزوندن حسین جان
ایلمه باشیمون اوسته افغان
یاشلاری سیل گؤزوندن حسین جان
خیمه گاهه ئورک داغلا قارداش
آغلاسان زینبه آغلا قارداش
قانیله پرچون اوسته قارداش،قصه ی درد و محنت یازارسان
مخیمه بیر نشانه آپارسان،صاحبین غرق خجلت یازارسان
نامه ی عشقیمه بو پیامی،خواهشیمدی وصیت یازارسان
توکمه سین گؤزیاشی جمله نسوان،یاشلاری سیل گؤزوندن حسین جان
هر مصیبت اولوبدی رضایم،غیر طاعت بیر آیری سؤزوم یوخ
اِیلرم هر بیر حالی تحمل،مشکین احوالینه هئچ دؤزوم یوخ
نیّتیم سندون ای جان زهرا،فانی دنیاده اصلا گؤزوم یوخ
گول سنی تا گؤروم بیرده خندان،یاشلاری سیل گؤزوندن حسین جان
آخرین فرصتیم اولماسایدی،من که اربابه قارداش دئمزدیم
دشمنیمدن بو ظلم عنادی،بیله شدّتله من گؤزله مزدیم
اصغرون تشنه گر قالماسایدی،جان وئرردیم سویی ایسدمزدیم
سو ددیم اولدی سو مشکیده قان،یاشلاری سیل گؤزوندن حسین جان
قالمیشام عمری پروانه تک من،دور نور چراغینده قارداش
تلّیدن نهره تا سن گلینجه،گؤز یوموردوم فراقینده قارداش
سن که گلدون منه وئر اجازه،جان وئروم تا ایاقینده قارداش
اِیلییم لطفیوی ذره جبران،یاشلاری سیل گؤزوندن حسین جان
شکر اولا ای شهنشاه عالم،قسمتیم اولدی بو دم وصالون
لطفون ارزان ائله ای امیریم،من فدای او اهل و عیالون
قانی سیل نوکرون گؤزلروندن،تا اولام مست نور جمالون
اولما اما اؤزون چشمی گریان،یاشلاری سیل گؤزوندن حسین جان
روحیمون جلوه سین تلّین اوسته،منتظر گؤزلی طفلان پوزوبدی
جسمیمون نظمینی ای برادر،زخم انبوه عدوان پوزوبدی
نقش رخساریمی اؤز باشیمدان،قطره قطره سوزَن قان پوزوبدی
اولموشام بو دلیله پریشان،یاشلاری سیل گؤزوندن حسین جان
گؤزده یومسام سنه خیره قالّام،پرده ی چشمیده حک قالورسان
قلب عباسیده هر دقیقه،ای نگاریم سن ایستک قالورسان
جانیم آسوده چیخماز بدندن،من ئولنن صورا تک قالورسان
اِیلیوب بو منی سینه سوزان،یاشلاری سیل گؤزوندن حسین جان
گر ایاق آلتدا ئولسم ئوزولمه،عشقونیله گئنه سربلندم
روح و ریحان زهرا نظر قیل،قوش کیمی من اسیر کمندم
جان دیوم جان دئنن جان وئریم من،بیر شیرین پندیوه ایندی بندم
قبض روحیم اولا بلکه آسان،یاشلاری سیل گؤزوندن حسین جان
- چهارشنبه
- 4
- فروردین
- 1400
- ساعت
- 21:48
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه