حشریدن خوف ائلمز عشقه گواهی اولانین
اودی گلشن گؤرجک سن کیمی شاهی اولانین
آلینار لعل و جواهر کیمی اعمالی او گون
گؤزلروندن بیرینون گوشه نگاهی اولانین
شاهی‌سن دیللره ای شاه ولایت بو گؤزوم
گؤرمیوب هئچ شاهی سن قَدریده جاهی اولانین
اولسا غربت ده ده احساس غریبی ائلمز
مشهدون تک بیرینون کُنجِ پناهی اولانین
ظاهراً یئرده ولی بال ملائک ده گئدر
باطناً مرقد چون عدنیوه راهی اولانین
سنی گؤرمک هوسیله دولانار شام و سحر
گونوزی مهر و گئجه سن کیمی ماهی اولانین
سحر آیدینلیقی تک واردی سنون مرحمتون
یوخو گلمز گؤزونه بِئیله صاباحی اولانین
نه اولار سندن آلیب توبه‌سینه فیضی چوخو
عشقی یوخدور مگر هر دیلده گناهی اولانین!؟
سنی امدادینه سسلر آچیلا تا گِرِهی
چوخلو عاشق منه تای روی سیاهی اولانین
- چهارشنبه
- 4
- فروردین
- 1400
- ساعت
- 21:57
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه