محبّتینده ریا قاتمیان٬ آنوندی فقط
سنی هوا ٬ هَوَسه ساتمیان٬ آنوندی فقط
گجه زمانی گیدنده ائوه٬ یوبانسون اگر
اویاقدی صبحه کیمی یاتمیان آنوندی فقط
نه غصّون اولسا٬ او سندن چوخ آغلیار والله
سنی غمینده هیچ آغلاتمیان آنوندی فقط
سحرچاقی باتار آی٬ گون باتار هرآخشاملار
یانوب گجه گونوزی باتمیان آنوندی فقط
سنی یتورمگه ئوز آرزووَه چوخ چالیشار
اوز آرِزوسینه هیچ چاتمیان آنوندی فقط
یامان گونونده هامی طایفون غریبه اولار
سنی غریبیه اوخشاتمیان آنوندی فقط
سنی گوزوندن آتار یار و یولداشون (فیضی)
جهاندا بیرجه سنی آتمیان آنوندی فقط
- پنج شنبه
- 5
- فروردین
- 1400
- ساعت
- 11:14
- نوشته شده توسط
- یوسف اکبری
ارسال دیدگاه