تز گلون مسلمانلار کربلاده طوفاندی
ذوالجناحین اوستونده ئوز گوزی قیزیل قاندی
تز گلون کمکسیزدی عرصهٔ بلا تیترر
طبل جنگ صوتیندن دشت کربلا تیترر
سسلنور هوا اوسته اوخلار آشکار آغلار
لنگر ایلیوب تیترر قانلی ذوالفقار آغلار
سینه سینده یا زهرا٬ یاره حدّیدن چوخدی
ایستیور دوشه آتدان بیر قولون توتان یوخدی
قانلی ذوالفقار الده قانلاری آلان گلسون
آلماقا حسین قانین صاحب الزّمان گلسون
اوغلون ئولدی یازهرا جسمینه کفن گوندر
گَل جنازه سین قالخیز قبله سمتینه دوندر
گل نماز میّت قیل یا علی ولیُّ اللّه
پارچا پارچا اعضایه لااله الا اللّه
هارداسان ابالفضلیم خیمه گاهیم اوتلاندی
یاندی ناخوشوم یاندی خیمه لرده طوفاندی
- پنج شنبه
- 5
- فروردین
- 1400
- ساعت
- 15:58
- نوشته شده توسط
- یوسف اکبری
- شاعر:
-
مرحوم منعم اردبیلی
امیر عباس بهاری