• جمعه 10 فروردین 03

کربلایی رحیم فیضی اردبیلی

مناجات با خدا -(بارالٰها بیزی عفو ایلمسون چاره ندور؟)

437
4

بارالٰها بیزی عفو ایلمسون٬ چاره ندور؟
چارهٔ بندهٔ عصیانگر و بیچاره ندور؟

اویموشوق نَفْسیمیزه غیبت اولوب هر سوزوموز 
بیلوروک فانیدی دنیا گنه دویمور گوزوموز 

بعضیلر عُمْرْ اوزونی‌ایلمیوب راز ونیاز
باخسون‌اعمالینه‌یارَبْ٬نه‌اوروج وار نه‌نماز

روحینه جامهٔ پُرنورِ عبادت توخوماز
هفته‌دن‌هفتیه٬ ایلدن‌ایله‌قرآن اوخوماز

ولی ماهواریه تا باخماسا یاتماز گجه لر
روحینه رنگ گُنَه یاخماسا یاتماز گجه لر

یوخوسوزلوق‌اثریندن‌دولار‌القان گوزونه
نونِ شبدن اونی واجب بیلَر امّا اوزونه

بارالٰها یوزوموز‌قاره دی٬ بوشدور الیمیز
روحِ ابلیس‌وشَیاطینیله وار‌گئت گلیمیز

هر‌باخیش‌غرقِ‌گناه‌و‌دانیشیق غرقِ گناه
جان‌وئرن‌‌لحظه ده یوخ‌توشه‌بجز حسرت‌وآه

بارالٰها بیزی اوز نَفْسیمیزه غالب ائله
طاعت‌و راز و‌نیاز‌ ایلمگه راغب ائله

نَفْس‌الیندن بیزی‌آزاد‌ائلیوب‌کامه یتور
سن‌علی‌شیعه‌لرین‌یاخشی‌سرانجامه‌یتور

(فیضی)عرض‌ایله‌خدایا بو‌تب‌و‌تابه قَسَم
بیکفن‌دفن اولونان تشنه لبْ‌اربابه قَسَم

ماهِ رحمتدی تَرَحُّم ائله یاربِّ جَلی
ناامید‌ائتمه‌بیزی سن‌بیل حسین‌بن‌علی

  • پنج شنبه
  • 5
  • فروردین
  • 1400
  • ساعت
  • 16:9
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران