غم لکّه سی اوتوردی
آئینه ی زماندا
ختم اولدی سرنوشتی
بیر تیر و بیر کماندا
اوخ مشکی دلدی کئچدی
سو قالمادی اماندا
گوز اشکی تک او مشکون
هر قطره سی داماندا
خاک شفانون اوسته
نقش ائتدی اصغر اصغر
بیر قهرمان کی پوزمیش
بیر لشکر عنودی
ایندی آت اوسته قولسوز
لنگر ویرار وجودی
بیر ظلم ائدوب مسلمان
حیران قالوب یهودی
ناگه بیر اهرمن خو
اندیردی بیر عمودی
باشدان کلاهی دوشدی
زهراده آچدی معجر
وقت اولدی تا یخیلسون
سردار پُر جراحت
ال که یوخیدی ائتسون
اوُل جسمدن حمایت
صاق‌گوزده سانجیلان‌اوخ
آزاد اوجین او ساعت،
تپراقه قویدی اوّل
بَعدا یخیلدی حضرت
لنگرلی بیر وجوده
وئردی بیر آیری لنگر
بیر زخمدارون اوسته
لشکر توکولدی مین مین
اعضا داغیلدی بیربیر
قامت کیچیلدی چین چین
زهرا بویوردی وای وای
زینب چاغیردی جدّین
گل دشت نینوایه
یا خاتم النّبیین
ماهه برابر اوغلون
دوغراندی اختر اختر
- پنج شنبه
- 5
- فروردین
- 1400
- ساعت
- 17:0
- نوشته شده توسط
- یوسف اکبری
- شاعر:
-
عسگر شاهی اردبیلی
ارسال دیدگاه