صادق آل عبا کنز دیانت گُهَری
خلق ائدن شیعه‌لره مذهب اثنی عشری
قویمیان پنجهٔ ذلّتده وجود بشری
یتیشوب مکتبینه درس مبارز علما
اجتهاد حکمی الیندن آلا گلدی فقها
مکتبینده عرفایه دانیشوب عرفاندان
عاشقه صحبت ائدوب مرحمت جاناندان
اهل قرآنی گوروب درس وئروب قرآندان
یازدیلار لوح دیله حضرت صادق سوزینی
دَرِ با عزّتینه قویدی ملکلر یوزینی
ابن ثعلبدی ویرن شیعه‌لره بو خبری
واریدیم خانهٔ معصومیده شام و سحری
حضرتون اولموشیدی چوخ منه لطف و نظری
بیر گونی صحن و سرانی بورودی عطر بهشت
ترک ایدور منزلی گوردوم نچه پاکیزه سرشت
گورمه‌میشدی ایله بیر قومی بو دنیاده گوزوم
بولار الله کیمیدی؟ گِتدیلر اولموشدی سوزوم
هاموسی غائب اولوب قالمادی قلبیمده دوزوم
محضره حضرت صادقده دئدیم جریانی
او گلنلر کیمیدی گئتدی گوزون قربانی
قالخیزوب باشین امامت گونی گفتار ایلدی
او گلنلر مَلکیدی منه اظهار ایلدی
صاحب امریلن هر تک تکی دیدار ایلدی
گئتدیلر کرب و بلا سمتینه دل داغلاماقا
نعشی گونلر قباقیندا قالانا آغلاماقا
گئتدیلر نهر فراته باخالار دلده نوا
دیَه‌لر یاندی سنون خاطریوه آل عبا
شاه لب تشنه خداونده سوسوز اولدی فدا
وار یِری گونده حسینچی سنی شرمنده گوره
ساربان اللرینی کسدی کمربنده گوره
گئتدیلر صحن سراده گوزی یاشلی قالالار
قبر ششگوشه سینی شوقیله آرایه آلالار
اکبرون درد و غمی قلبیلرین چوخ یارالار
پایین پاده دیللر یاتان اللرده ئولوب
قانینه قانلی مناده باتان اللرده ئولوب
گِتدیلر آغلیالار بلبل باغ و چمنه
یعنی پستان یِرینه زهریلن پیکان امنه
نهر علقمده اوزون قولّاری تندن دوشنه
هاموسی ناله کنان اولدیلار آماده اولار
گئتدیلر آغلاماقا قاسم ناشاده اولار
- شنبه
- 7
- فروردین
- 1400
- ساعت
- 12:58
- نوشته شده توسط
- یوسف اکبری
- شاعر:
-
استاد یوسف معزی اردبیلی
ارسال دیدگاه