حسین ذکرینه گوگلوم اگرچه شایقدور
ولی بو یرده خیالیم امام صادقدور
بلا بو رسمیدی اهل ولادن آیریلماز
اودور امام همیشه بلادن آیریلماز
بلا و محنت اسیری امام صادقه باخ
دوزر بلایه غم و ابتلادن آیریلماز
ائدوب او سروری خانه‌نشین بنی‌عبّاس
تقیّه محنتی اول مقتدادن آیریلماز
قویِیدیلار قالا آسوده کاش خانه‌نشین
گورردیلر که نماز و دعادن آیریلماز
جفا و جوریده منصور قویمادی نقصان
جهاندا رسمیدی ظالم جفادن آیریلماز
ائدوبدی صادق آل محمّدی مسموم
هوای مُلکی اولان بد هوادن آیریلماز
امام او زهریله اوز جدّینه اولوب ملحق
وصیّ ختم رُسُل مصطفادن آیریلماز
وصیّت ائتمیشیدی اوغلی ائتدی غسل و کفن
عمل وصیّته اوُل پیشوادن آیریلماز
جوار امام باقرده دفن ائدوب آتاسین
بالا محبّتینه باخ آتادن آیریلماز
بقیعیدن قلمیم کربلا اییی آلوری
بو قان اولان اورگیم کربلادن آیریلماز
اولوم حسینون او ششگوشه قبرینه قربان
حسینده اکبر گُلگون قبادن آیریلماز
بئله گمان ایدورم ایندیده یارالی باشین
آلوب دیز اوستونه اول مه لقادن آیریلماز
یارا چتیندی اگر اولسا گوز قباقینده
بو غم او خامس آل عبادن آیریلماز
باخاندا ایندیده سسلر جوان اوغول ایوای
حسین (حسینی) بو آه و نوادن آیریلماز
- شنبه
- 7
- فروردین
- 1400
- ساعت
- 13:1
- نوشته شده توسط
- یوسف اکبری
- شاعر:
-
سعدی زمان سیدرضا حسینی
ارسال دیدگاه