بیر عمریدی کی مست حسینم من
دلبسته شاهه عالمینم من
چون عاشق بین الحرمینم من
الیمیز بوشدی یا مولا، قیل اوزون دردیمه دوا،قسمتیم ائله کربلا.(آقام ای)
آقام آقام آقام.....
عاشق سوزونی دوزدی دئیر یاره
یوخدور آقاجان دردیمیزه چاره
سن ائله کرم قوش بیزی زواره
عاشقم در و صدفه/پور سلطانه نجفه
ایسته قبریوه عرفه.(آقام ای)
آقام آقام آقام
آهنگه غم و درده بورونم من
عشاق آرا چوخ غملی گورونم من
گورسم حرمون اوردا سورونم من
اورگیمده قالوب حسرت،آقاجان ائله بیر دعوت،دیلده وار شوق زیارت.(آقام ای)
آقام آقام آقام....
هیچ باشدا بئله شور و نوا یوخدی
هیچ بزمی کیمی، بزم عزا یوخدی
واللهی حسین تک بیر آقا یوخدی
آقامیز جانه جاناندی،گل آدی درده درماندی،حرمی باغ رضواندی.(آقام ای)
آقام آقام آقام....
- شنبه
- 7
- فروردین
- 1400
- ساعت
- 20:53
- نوشته شده توسط
- یوسف اکبری
- شاعر:
-
محمد قربانی وصال تبریزی
ارسال دیدگاه