قرآنین قولینه عارفِ دانا
پیغمبرِاسلام معراجه گیتدی
سؤزومون دلیلی سوره ی اِسراء
گئجه نین زمانی بیرسفراِئتدی
بیت الحرامیدن اولدومعراجی
نورِالهی دن وارباشداتاجی
بیت المقدسه سالدی نهاجی
گورنئجه مقام اعلایه یِئتدی
اشرف کاینات میندی براقی
جبرئیل گؤیلرده وِئردی سراغی
پیغمبر آللاهین اولدوقوناقی
بونئجه مهماندی باب رحمتدی
معراجه اوْل گئجه گئدنده حضرت
وئردی یِددی گؤیه نعلینی زینت
ملکلردورونده قوردوضیافت
احمدِمحموده عجب نعمت دی
اوّلینجی گویده گوردو آدمی
ایکینجی گوئ عیسیٰ ابن مریمی
یحیاهمان یرده اولدوهمدمی
خاتم النبیین صاحب حشمتدی
اوچونجوگؤیَه کیم اولانداروان
حضرت یوسفه اولوبدومهمان
دوردونجوگؤیده باخ ادریس آچدی خوان
هارونه بئشینجی گؤی ده نسبتدی
آلتیجی سماده حضرت موسیٰ
آلدی سلامینی ایله دی دعا
ملکلرصف چکیب قیلدی اقتدا
به به بومقامه عینِ رفعت دی
یددیمینجی گوی ده جدّی ابراهیم
اللری سینه ده ایله دی تعظیم
خوش گلیبسن دئدی عزتیم جاهیم
پیغمبر خاتم صاحب حشمت دی
یددی سفرینی ایله دی کامل
حقدن اونااولدوبورحمت شامل
اوتوز آلتی! اون یددی نی! قیل عامل!
یِتمیشین کم ایله گور نه حکمت دی؟!
((قیزیل قلم)) حکمتله یازسؤزونو
رسالتدن کنارائتمه اؤزونو
ولایتدن یاییندیرماگؤزونو
معراجین حاصلی بیل ولایت دی
- یکشنبه
- 8
- فروردین
- 1400
- ساعت
- 12:20
- نوشته شده توسط
- یوسف اکبری
- شاعر:
-
اکبر ستاری
ارسال دیدگاه