بو گئجه شیعه چکر آه دل زاریله
قورموشوق مجلس غم دیده ی خونباریله
همنوایوخ هاممیز قولسوز علمداریله
تخم حسرت ئورگینده اکیلن وای ننه وای
قلبینه دورت بالا داغی چکیلن وای ننه وای
غرقیدور بو گئجه عشاق هامی غم دریاسینا
غملیدور بیر ننه نون دونیادان آیریلماسینا
گلین عباسه گورا ام بنینین یاسینا
اولوب هریئرده یئرده عزا مجلسی برپا بو گجه
قاپی آغزیندا دوروب حضرت سقا بو گجه
دورت جوانین ننه سی ایندی قالیب غملی حالا
یئری وار اوغلی ابالفضل گله گویلون آلا
قولبویون بیربیرینه اوخشار آنا همده بالا
او دییر قوللاری تندن قلم ایوای بالا وای
بو دییر قلبی یارالی ئولن ایوای آنا وای
- یکشنبه
- 8
- فروردین
- 1400
- ساعت
- 12:43
- نوشته شده توسط
- یوسف اکبری
- شاعر:
-
محمد حیدری امندی
ارسال دیدگاه