یا امام زمان نیه گلمیسن؟
سسلروک الامان نیه گلمیسن؟
بیزیم سنن سورا بس کیمیمیز وار
یوخدی بیزه باخان نیه گلمیسن؟
دوزونن یالانی گولشدیرمیشیک
دوزی یخدی یالان نیه گلمیسن؟
قهریلن بئچارا کاسیبلار اولور
ایاق آلتدا تالان نیه گلمیسن؟
عدالت ئولوبدی یاسلیدی هامی
ائللر ائدیر فغان نیه گلمیسن؟
ائله سئنا سئنا خجالت اولور
آتالار بالادان نیه گلمیسن؟
نسیه بهشتیمین نقد عذابی وار
یورولوب داها جان نیه گلمیسن؟
ارییب ارییب سووا دونورم
ائویم اولور تالان نیه گلمیسن؟
هر جمعه گوزومی یولا تیکیرم
داننان آخشاماجان نیه گلمیسن؟
گورموسن مظلومون اوجالیر آهی
سسلیور هارداسان نیه گلمیسن؟
سسلری بیر یانا چاتمیانلاری
نیه یوخلامیسان نیه گلمیسن؟
- یکشنبه
- 8
- فروردین
- 1400
- ساعت
- 12:48
- نوشته شده توسط
- یوسف اکبری
- شاعر:
-
محمد حیدری امندی
ارسال دیدگاه