سنه منتدارام حیاتیم بویو
آی منیم مهربان نازمعلمیم
تنبل شاگردینم بیرده ازلدن
منــه الفبانـی یاز معلمیم
آی منیم مهربان نازمعلمیم
ایشیقلی‌چراغ‌سان ظلمت جانلارا
گؤزل‌باغبانسان گولوستانلارا
زینتسن زیورسن دبسـتانلارا
جهلین ریشه‌سینی قازمعلمیم
آی منیم مهربان نـاز معلمیم
صبریلن دؤزورسن هرچتینلیگه
قویمورسان یاراناشرچتینلیگه
اله گلر والله زر چتینلیگـه
داریخما آیلیغی آز معلمیم!
آی منیم مهربان ناز معلمیم
معلم اؤپورم گـول اللریندن
منه اورگَدیب‌سن دیل اللریندن
کلاس‌دا گَچ‌لری سیل اللریندن
اوره‌گی دنیزتک باز معلمیم
آی منیم مهربان نـاز معلمیم
گؤزل‌سسین الهی نغمه‌سی‌دیر
دانیشیغین ملکلرین سسی‌دیر
کلاسین جنّتین بیرگوشه‌سی‌دیر
قیشی‌دؤندراولسون یازمعلمیم
آی منیم مهــربان ناز معلمیم
شمع‌تک اَری‌دین عشق‌ده یاندین
هربیرطلبه‌نی اؤز بالان ساندین
ئوزونو اؤیمه‌دین بلکه اوتاندین
هئچ اولمادی کئفین سازمعلمیم
آی منیم مهربان ناز معلمیم
عاجز طلبه‌نم «قیزیل‌قلمم»
سنین قوللوغوندا علم‌دن‌کمم
یولونو ایزلَه‌یَن سنله‌همدمم
آچانمادیم قالدی راز معلمیم
آی منیم مهربان ناز معلمیم
- یکشنبه
- 8
- فروردین
- 1400
- ساعت
- 17:27
- نوشته شده توسط
- یوسف اکبری
- شاعر:
-
اکبر ستاری
ارسال دیدگاه