الله وئریب انسانلارا فرصت رمضاندا
خلقه آچیلیب باب سعادت رمضاندا
گویدن یاغیر ارض اوستونه باران کرامت
بیرده آچیلیب سفره ی رحمت رمضاندا
اهریمنی زنجیره چکیب رب توانا
ائتمیش کرمون خلقه نهایت رمضاندا
مخلوقینه خالق نه گوزل سفره سالیبدی
گسترده ائدیب خان ضیافت رمضاندا
هرصبح و مشا غرق مناجات و دعا اول
تاپسین ئورگین حال عبادت رمضاندا
قرآن اوخی قلبوندکی زنگار سیلینسین
دولسون یئرینه نور هدایت رمضاندا
قرآندا خدا مژده وئریب اهل صیامه
وئررم من ئوزوم اجر اطاعت رمضاندا
- یکشنبه
- 8
- فروردین
- 1400
- ساعت
- 17:29
- نوشته شده توسط
- یوسف اکبری
- شاعر:
-
محمد حیدری امندی
ارسال دیدگاه