السّلام ای اورک داغلیانلار
عارضه گوز یاشی باغلیانلار
فاطمه اوغلونون ماتمینده
قاره کوینک گیوب - آغلیانلار
سسلیون بی‌کفن وای آقام وای
تشنه لب جان ویرن وای آقام وای
السّلام ای نوایه - گلنلر
مجلس غم فضایه - گلنلر
السّلام ای عزای عزیز
حضرت مصطفایه گلنلر
بو عزاده قرا - پرچم الده
باش آچون یا حسین ذکری دلده
بو همان آیدی پیغمبر آغلار
جن و انس و ملک یکسر آغلار
بو همان آیدی معناده زهرا
باشه باغلار قرا معجر آغلار
باش چکر مجلس یاسه آغلار
گاه حسین گاهی عباسه آغلار
قویمیاق خوار اولا بو عزانی
شاد ایداخ قلب خیرالنسانی
ایستیاخ ئولممیش حیّ اعلا
قسمت ایتسون گوراخ کربلانی
غم اساسین ایداخ اوردا برپا
داغلاسین سینه معناده زهرا
آتش وصله عشقیله یانّوق
اوردا گَرد عزایه بویانوق
باشینه آلتی گوشه مزارین
بیزده پروانه مثلی دولانوق
غصه‌دن قلبی آزاد ایدردوخ
بیز علی اکبری یاد ایدردوخ
غم داشینا چالوب جام صبرین
یاغدیراردیق گوزون غصّه ابرین
تشنه سقانین آغلار چکردوق
جان کیمی سینیه خردا قبرین
سس چکردوق آقا یا ابوالفضل
قبریوه جان فدا یا ابوالفضل
قلببمون بو غم آلدی قرارین
ویردی الدن اورک اختیارین
یاد ایدردوخ بلالی ربابین
تشنه‌لب جان ویرن شیر‌خوارین
سس ربابه قوشوب وای دیردوخ
اصغره اوردا لایلای دیردوخ
یا حسین ای آقالار آقاسی
"اکرمیدور" قاپیوین گداسی
گنبدی زر - اوزی آلتی گوشه
قبریوین جانلار اولسون فداسی
ای دوزن هر غم و ابتلایه
دعوت ایله گلوم کربلایه
- دوشنبه
- 9
- فروردین
- 1400
- ساعت
- 12:56
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه