ناله ایدون بلبل‌لر فصل عزا گلدی
سولدی چمن گلزاره غملی هوا گلدی
کرب‌و‌بلا دشتینده - تعزیه برپادی
بزم عزایه زهرا - باشدا قرا گلدی
دلده نوا گلدی (۲)
دلّلرده یانوب آتش غم چکدی زبانه
باشلا بو مصیبتده اوخی غملی ترانه
ای شاه شهیدان لب‌تشنه ویرن جان
شش‌گوشه مزاره جانلار اولا قربان
اباعبدالله - حسین ثارالله (۲)
سو یولون اعدا باغلار - عترت اطهاره
سوز عطشدن دلّلر - جمله اولار یاره
خردا اوشاقلار سسلر - یاندیم عمو یاندیم
بو غم‌چوخ اثر ایلر - تشنه علمداره
تشنه علمداره(2)
"ای آب فرات آخ نقدر که آخاجاخسان
آخدوقجا منی یاندیراجاخسان یاخاجاخسان"
ای قانه دونن سو طغیان ایلین سو
عبّاسی حرمدن. شرمنده ایدن سو
ابا عبدالله - حسین ثارالله (۲)
بو آیدا ابوالفضلین پیکری اوخلاندی
قوللاری دوشدی تندن - باشی یارالاندی
باخدی حسین اول جسمه - سسلدی جان قارداش
سیندی بلیم بو غمده - قلبیم الولاندی
گور نجه طوفاندی (۲)
"دور یاتما بو قان ایچره آماندور آتام اوغلی
قارداش غمی قارداشه یاماندور آتام اوغلی"
ای شیر دلاور سقّای هنرور
قارداش‌هانی‌مشگون قارداش هانی الّلر
اباعبدالله - حسین ثارالله - (۲)
قالدی او چولده تنها سوز و گداز اوسته
آلدی قشون اطرافین راز و نیاز اوسته
عرض ایدوب الله گیچدیم دار و نداریمدن
عشقونده چیخور جانیم ایندی نماز اوسته
راز و نیاز اوسته (۲)
"ای عشقی نهان خون دل و جان آراسیندا
عشقونده خدا جان ویرورم قان آراسیندا"
اوز قانیمه باتدیم مقصودیمه چاتدیم
باش فکرینی باشدان بالمرّه چیخاتدیم
اباعبدالله - حسین ثارالله (۲)
- سه شنبه
- 10
- فروردین
- 1400
- ساعت
- 11:53
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه