یاده دوشر مرقد شش‌گوشه
جانیمیز عشقینده گلر جوشه
بیر نولی قسمت ایده‌سن مولا
بیرده آلاخ- قبریوی آغوشه
قلبیده آتش غم آلیشار
مرغ دلیم دل آچوب چالیشار
بیر صود امر بالادان دانیشار
حسین
باشدا هوای حرم یاتارام
صبحه جک اشگ غمه باتارام
اصغره منده عزا دوتارام
حسین
شه کربلا حسین - سنه جان فدا حسین
اورگیم تاپار صفا - چاغیراندا یا حسین
لبیک یا حسین
عالمه گسترده اولوب فضلون
دللره دوشموش کرم و بذلون
تذکره‌ی کرب‌‌و‌‌بلانی آقا
تاپشور اوزی ویرسون ابوالفضلون
صبح و مسا بو اولوب سوزوموز
آب فراتیده وار گوزوموز
یوخ داخی آیریلیقا دوزوموز
حسین
قویما فراقیوی درده سالا
طاقت و صبریمی غملر آلا
داغ مزارون اورکده قالا
حسین
شه کربلا حسین - سنه جان فدا حسین
اورگیم تاپار صفا - چاغیراندا یا حسین
لبیک یا حسین
- سه شنبه
- 10
- فروردین
- 1400
- ساعت
- 12:23
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه