ای گیدن دائم - عشق یوللارین
ایلین قربان - دینه قوللارین
قالوب بلیمده گور نجه - اللریم قارداش
بلیم سینوب دور ای منیم - یاوریم قارداش
ایله حالته قالوبسان
بیله حاله داغ داش آغلار
سارالان یوزه رقیّم
توکه جاقدی قان یاش آغلار
آتام اوغلی اویان - یارالیسان یاتما
دور ایاقه گداخ - حسینی آغلاتما
عطشدن ایندی اودلانور - اصغریم قارداش
بلیم سینوب دور ای منیم - یاوریم قارداش
حیدر ثانی - مظهر تقوا
معنی غیرت - تشنه لب سقّا (۲)
باشون سینوب دولوب گوزه - قان ابوالفضلیم
جنازن اوسته سسلرم - جان ابوالفضلیم
منیم ای امید گاهیم
دولانوبدی قانه اشگون
علمون باتوبدی قانه
ندن اوخلانوبدی مشگون
منیم آرخام ائلیم - وفالی سرداریم
گوزی یولدا قالوب - سوسوز بالالاریم
اماندی باخ حسینه بیر - آن ابوالفضلیم
جنازه ن اوسته سسلرم - جان ابوالفضلیم
- سه شنبه
- 10
- فروردین
- 1400
- ساعت
- 12:24
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه